Admin
Admin
عدد الرسائل: 2473
العمر: 66
localistion: my yahoo
empoi: متقاعد
loisirs: usa
منتديات بلون:
تاريخ التسجيل: 04/02/2008
 |  موضوع: معكرونة بالبشاميل  السبت يناير 30, 2010 5:02 am | |
| معكرونة بالبشاميل1- نسلق المكرونه عادي بس منحطش زيت على المية علشان تبقى تمسك فى البشاميل وكمان منغسلش المكرونة نصفيها بس .
2- نعصج اللحمه وطريقتها كده(نقطع بصل صغير ونشوحه فى شوية زيت ونضيف عليه اللحمة المفرومة ومشروم لو تحبى ونحط الملح والبهارات فلفل اسود ورشه قرفه ورشه جنزبيل وشطة لو تحبي ونهدى عليها مع التقليب لحد ما تستوى وتشرب ميتها)
3- - البشاميل بقى انا بعمله بالنظر كده مش بمقدار
شوحى الدقيق فى سمن مع زيت على النار وبعدين ضيفيى اللبن واحده واحده وقلبي كويس علشان ما يكلكعش ولو كلكع معاكى عادى اضربيه فى الخلاط او بالمضرب
وبعدين حطيه على النار تانى شوية وحطى ملح وفلفل اسود
*لو البشاميل طلع تقيل معاكى اوى عادى زودي لبن او شوربةوقلبيه كويس
*لو البشاميل طلع خفيف ما تزوديش دقيق علشان طعمه ما يغيرش قومى مقلبه شوية نشا فى شوية مية باردين وقلبيهم على البشاميل هتلاقيه مسك وبقى تمام
4-قلبي نص البشاميل على المكرونة وهاتى صينية ادهنيها زيت ورشى فيها بقسماط علشان المكرونة ما تلزقش وحطى نص المكرونة وبعدين التعصيجة وبعدين باقى المكرونة
5- اضربى بيضه فى باقى البشاميل وحطيه على المكرونه وممكن تحطى جبن مبشور لو تحبي ودخليها الفرن لحد ما تستوى وتتحمر مش بتاخد كتير لانها كلها مستوية
|
|
